EH Bildu prozesu eratzailean murgildu da, Oiartzunen ere

EH Bildu koalizio izatetik, subjektu politiko izateko bidean jarri nahi dute. Prozesuaren aurkezpena hilaren 30ean egingo dute Oiartzunen.

Urko Etxebeste Petrirena

Oiartzun

2017/05/24

Oiartzungo EH Bilduko kideak ziur daude euskal herritarren gehiengo zabal bat ados dagoela euren helburuekin.

Oiartzungo EH Bilduko kideek, koalizioak daraman barne eztabaidan parte hartzeko deia egin diete herritarrei. Prozesu eratzailea da, EH Bildu lau indar politikoren koalizio izatetik, subjektu politikoa izatera igaro asmoz. “Pertsona guztien eskubide sozialak, ekonomikoak, politikoak, kulturalak eta hizkuntzari lotutakoak bermatzeko tresna eraginkorra” bilakatzea helburu du, behin burututa, prozesuak. Izan ere, EH bilduko kideek uste dute “jendarte justuago, duinago eta solidario” baten alde dabiltzanen bilgune izan behar duela subjektu berriak, hortaz, herritarren partaidetza ezinbestekotzat eman dute. Zentzu horretan, prozesu eratzailearen berri emateko eta ekarpenak egin ahal izateko, Oiartzunen foroa egingo dute. Hilaren 30ean (asteartea) da, 18:30ean hasita, Haurtzaro Ikastolako jantokian. Juan Karlos Izagirre eta Oihana Etxebarrietak emango dituzte behar beste azalpen. Gainera, ekainaren 4ra arte, prozesu horretan parte hartu nahi dutenek izena emateko aukera dute. Webgune batean eman behar da izena, eta bertan, ideiak partekatzeaz gain, zuzendaritzetarako hautagaiak proposa daitezke, “guztion artean erabakiko dugu EH Bildu berria nolakoa izatea nahi dugun.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.