Sei diru laguntza lerro bereizi ditu udalak eta diru zatirik garrantzitsuena euskara ikasteko emandako laguntzena da, 70.000 euro, zehazki.
Euskara sustatzeko diru laguntzen deialdia zabaldu du udalak.
Errenteriako Udal Hizkuntza Politika arloko diru laguntzak eskatzeko deialdia zabalik da. Laguntza horien bidez, euskara sustatu nahi du udalak. Sei diru laguntza lerro bereizi ditu udalak eta diru zatirik garrantzitsuena euskara ikasteko emandako laguntzena da, 70.000 euro, zehazki. Laguntza hori eskatzeko, Errenteria-Oreretan erroldatuta izan behar du eskatzaileak eta %85eko asistentzia bermatu beharko du.
Enpresetan euskara planak garatzeko diru laguntzen lerroan berriz, 15.000 euroko diru zatia aurreikusi du udalak. Laguntza eskatu ahal izateko, enpresarentzako euskara plana onartua eduki behar du eskatzaileak. Bi horiekin batera, dendetako errotuluak eta web orriak euskaratzeko, Bai Euskarari ziurtagiria eskuratzeko, UEU Udako Euskal Unibertsitateak eta EHU Euskal Herriko Unibertsitateak antolatutako udako ikastaroetan parte hartzeko, eta euskara zehar lerro duten ikastaroak egiteko diru laguntzak eskainiko ditu.
Laguntzen gaineko informazio guztia maiatzaren 24ko
Gipuzkoako Aldizkari Ofizialean kontsulta dezakete interesdunek.