[Bideoa] Irriz jositako baratza

Proiektua zabaldu nahi dute orain, familia gehiago erakarri Irribaratzera eta horren harira, udaberriko landaketa irekia antolatu dute ostiralean (ekainak 2) 17:30etik aurrera Arramendiko baratze parkean.

Ikerne Zarate

Errenteria-Orereta

2017/05/29

Irri Baratzean lanean. Argazkia: Mendi Urruzuno.

Baratzea, lurra, ura, eskuak eta bihotzak batzen diren lekua. Horrela definitzen dute Irribaratzea bertan parte hartzen duten kideek. Oarsoirriak familia iniziatibaren barruan sortu zen proiektua, eta helburua, baratzeko auzolanean gozatzea eta naturatik ikastea da. Duela lau urte jarri zuten martxan proiektua, eta denen artean erabaki zuten, auzolanean lurra lantzea. Ordutik, proiektua elikatu dute familiek eta egutegia adostuta lursaila lantzera joan dira uzta jasotzeko. Proiektua zabaldu nahi dute orain, familia gehiago erakarri Irribaratzera eta horren harira, udaberriko landaketa irekia antolatu dute ostiralean (ekainak 2) 17:30etik aurrera Arramendiko baratze parkean. Bertaratzen direnek, Irribaratzea ezagutzeko aukera izango dute, landaketan parte hartzeko eta bita oinarrizko prestakuntza jasotzeko ere. Baratzaren proiektuan parte hartzen duten familien artean adostuko dute auzolana, txanda sistema eroso baten bidez proiektuaren sustatzaile diren familiek azaldu dutenez: “Familiak multzoka antolatuta, familia talde bakoitza hilean behin edo bitan baratzera joateko konpromisoa hartuko du”. Familia guztiak elkartzeko saioak ere antolatuko dituzte, “lana eta jarana uztartzeko”. Informazio gehiago mezua bidalita eskura daiteke.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.