[Galeria] Euria bai, giro ederra eta festa ere bai

Euria egin zuen larunbatean Antxon egin zuten Sagardo Jaian. Baina horrek ez zuen guztiz lausotu bertaratu zirenen festa gogoa.

Urko Etxebeste

Pasaia

2017/06/05

Karpa artean izan ziren herritarrak sagardoa dastatzen.

Larunbatean egin zuten Antxoko Sagardo Jaia, Alkartasuna Euskal Dantza Taldearen eskutik. Euriak baldintzatu zuen eguna, baita sagardoaren festa ere. Hala ere, Alkartasunakoek, ausart, muntaia osoa egin zuten hala nahi izan zuten herritar eta bisitariek, beste urte batez, jada erreferentzia den jaiaz goza zezaten. Euriak, beraz, ez zuen guztiz lausotu festa giroa. Haurren sagar dantzarekin hasi zen festa, haiek ere estalpean. Eta hortik aurrera tragosken eta jakien txanda izan zen. Gozatu ederra hartu zuten sagarren zukua probatzen egon zirenek, esku batean edalontzia, bestean aterkia. Behealdean, larunbat arratsaldeko hainbat irudi. Sagardo Jaia Alkartasunaren Hamabostaldi Kulturalaren barruko ekitaldia izan zen. Horren barruan oraindik badaude jarduerak. Gaur eta asteazkenean, esterako, Larrain Dantza ikastaroa egingo dute 20:00etan eta Azokan. Ondokoa, beraz, larunbateko Sagardo Jaiaren irudiak dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.