Gaztañoko jaietako krosa, ezinbesteko zita

Gaztañoko VI. Krosa egingo dute hilaren 17an (larunbata). Izena emateko epea zabalik dago. 6,5 kilometrokoa da ibilbidea aurten ere.

Urko Etxebeste

Errenteria-Orereta

2017/06/09

Iaz egindako krosaren irteera.

Batzuk jai giroan, besteak korrika eta jai giroan ere. Horrelakoak dira Gaztañoko jaiak. Zehazki, Gaztañoko Jaietako larunbat goiza. Izan ere, aurten seigarrenez, Gaztañoko Krosa egingo dute, hilaren 17an, 10:30ean hasita. Ibilbidea betikoa izango da ia. Aldaketa batzuk egin behar izan dituzte antolatzaileek, Arramendi aldean egiten ari diren lanengatik. Edonola ere, 6,5 kilometroko bidea da ere aurtengoa (bi itzuli zirkuitu bati). Irteera eta helmuga, auzoko plazan. Izena emateko epea zabalik dago Herrikrosa plataformaren webgunean. Parte hartzeko erabakia aurretik hartzen dutenek, 7 euro ordaindu beharko dituzte. Egunean apuntatzen direnek, berriz, 10. Ohi bezala, partaideen artean zozketak egongo dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.