[Galeria] Trintxerpeko I. Herri Lasterketan, beroa, baina lehia ikusgarria

Trintxerpeko I. Herri Lasterketa egin zuten larunbatean. Horri lotuta, barrutiko emakume arraunlariei aitortza egin zieten, baita Sagardo Festa ere.

Urko Etxebeste Petrirena

Pasaia

2017/06/12

Lasterketa luzearen lehenak.

Trintxerpe-Illunbe Arraun Elkartearen 30. urteurrenaren harira, Trintxerpeko I. Herri Lasterketa egin zuten larunbat arratsaldean. Bero egin zuen, baina hala ere, gogotsu ekin zioten korrikalariek Trintxerpe eta San Pedro lotzen zituen ibilbide ikusgarria egiteari. Proba luzea (zortzi kilometrokoa) eta motza (laukoa) izan ziren aukeran. Emakumeen parte hartzeari garrantzia berezia eman zioten arraun taldeko kideek. Hori lortu zuten, batez ere ibilbide motzean asko eta asko izan ziren lasterketarekin bat egin zuten emakume korrikalariak. Gainera, arraun elkartean ibilitako emakume arraunlariek ere aitortza jaso zuten larunbatean. Hori guztia gutxi balitz, Sagardo Festa egin zuten Serafin Esnaola plazan. Honakoa, proba luzeko sailkapenean lehenak (osoa hemen): Emakumeak

Claudia Behobide (Hondarribia)
Ana Cruz (Pasaia)
Inma Cruz (Pasaia)

Gizonak

Aritz Garin (Villabona)
Gaizka Sarasola (Hernani)
Iñigo Tumas (Hondarribia)

Proba motzeko hiru lehenak, honakoak (osoa hemen): Emakumeak

Eztibaliz Gezala (Hondarribia)
Arantxa Atxukarro (Berastegi)
Mertxe Casas (Orereta)

Gizonak

Alexander Iturralde (Hernani)
Ander Matamala (Donostia)
Jokin Mendiburu (Donostia)

Ondokoak, arratsaldeko hainbat argazki dira:

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.