Imanol Artola Futbito Oroitaldia, larunbatetik igandera

Imanol Artola Futbito Oroitaldia hilaren 17tik 18ra egingo dute Bekoerrota kiroldegian. Izena emateko epea zabalik dago. Taldeen zozketa, ostiralean.

Urko Etxebeste Petrirena

Lezo

2017/06/13

Oroitaldiko artxiboko irudi bat.

Iritsi da aurten ere, 27.enez, Imanol Artola Futbito Oroitaldia. Larunbatetik igandera egingo dute: larunbateko 10:00etan hasiko dira partidak Bekoerrota kiroldegian, eta lehiak ematen duen arte, egun oso batez ziurrenik, bukatuko da. Izena emateko epea zabalik dago. Hori egiteko, bi bide: lehena Tiñelu elkartera joan eta bertan izena eman, eta bestea, telefono deia egin Tiñelura (943 57 43 65). Izen ematearen prezioa 50 eurokoa da (izena ematerakoan egin behar da), taldeek gehienez 10 jokalarikoak izan behar dute, eta taldeen muga 32 ekipokoa da. Arratsaldez eman daiteke izena. Lehiarako taldeen zozketa hilaren 16ko (ostiraleko) 19:00etan egingo dute, Tiñelun. Bertara joan behar dira izena eman duten taldeen ordezkariak. Sariak Imanol Artola 27. Futbito Oroitaldia irabaziko duen taldeak garaikurra eta afaria irabaziko ditu, baita bigarrenak ere. Hirugarrenak eta laugarrenak garaikurra eta arkumea jasoko dituzte. Horrez gain, beste hainbat sari egongo dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.