Arretxe gogoan, errenteriarrak sortu, idatzi, marraztu eta egindako beste hamaika lanei esker ona erakutsi nahi dio orain Parole Parole Herri iniziatibak.
Ion Arretxe pasa den martxoaren 18an zendu zen.
Ion Arretxe zenari omenaldia egingo diote. Joan den martxoaren 18an zendu zen arte zuzendaria, aktorea, eta
La sombra del nogal liburuaren egilea, besteak beste. 1985eko azaroan atxilotu zuten Mikel Zabalzarekin batera. Intxaurrondon torturatu egin zuten errenteriarra eta kargurik gabe aske utzi ondoren. Handik hamabost urtera idatzi zuen Intxaurrondoren gaineko liburua. Ilustratzaile, marrazkilari, eszenografoa, hainbat aldizkaritan marrazkilari eta gidoilari aritu zen, hala nola,
Ipurbeltz, TMO, Aizu!, Kaxkagorri eta
El Jueves… 90. hamarkadan arte zuzendari bezala lan egin zuen hainbat filmetan:
Extasis, La vida de nadie, Marujas asesinas, Sukalde kontuak… Hainbat film labur ere zuzendu zituen.
Arretxe gogoan, errenteriarrak sortu, idatzi, marraztu eta egindako beste hamaika lanei esker ona erakutsi nahi dio orain Parole Parole Herri iniziatibak. Arretxeren lagunek osatu dute iniziatiba hori merezitako omenaldia eskaintzeko, eta errenteriarrak 2013an aurkeztutako liburuaren izenburua aukeratu dute iniziatibari izena jartzeko, Parole Parole.
Hilaren 24an izango da ekitaldi nagusia eta egitarau oparoa antolatu dute: omenaldia, herri bazkaria eta askotariko emanaldiak. Aurretik ordea, hilaren 22an, osteguna, Arretxek parte hartu zuen
Sukalde kontuak filma emango dute Niessen Zinematan 19:30ean. Parol e Parole herri iniziatibak herritar guztiak deitu ditu parte hartzera eta bide batez, herri bazkarirako txartelak De Cyne Reyna, Arkaitza, Sindikato etaXera tabernetan salgai daudela jakinarazi du.
Egitaraua (Hilak 24)
- 12:00: Oroit ekitaldia Galtzaraborda auzoko Parke Kaleko Guarren. Ion Arretxe parkea izendatzeko ekitaldia.
- 14:00: Herri bazkaria Koldo Mitxelena ikastetxearen jolastokian. Ondoren, emanaldiak: Intxaurtze kantariak; Juxe Goenaga; Ion Arretxeren Escenas calientes lana Eñaut Gantxegi eta Ihintza Fresnedoren eskutik, Fael Garciak zuzenduta; Amaia Zubiria eta Mikel Markez; Edu Magoa; Gu Geu taldea.
