Asteburuan, Proisa kalera

Proisako kideek kalera aterako dute euren ekiteko ahalmena asteburuan. Ostiraletik igandera hainbat ekitaldi antolatu dituzte, herrira zabalik.

Urko Etxebeste Petrirena

Pasaia

2017/06/14

Proisako orubean eta frontoian egingo dituzte ekitaldiak.

Kalera aterako da Proisa asteburuan. San Pedro egitasmoaren izaeraz eta kolorez beteko dute hainbat ekitaldiren bitartez ostiral, larunbat eta igandean. Aste emankorra ari da izaten egitasmoarentzat. Izan ere, astelehenean udalarekin eta aldundiarekin hitzarmena sinatu zuten egitasmoarekin aurrera jarraitzeko. Hala, asteburuan, Proisak duen potentzialitatea San Pedrora zabaltzeko aukera izango da. Honakoa da egitaraua (ekitaldi guztiak Proisa orubean eta frontoian egingo dira) Hilak 16, ostirala

16:00etatik aurrera, Nex graffitilariaren erakustaldia, talo tailerra, eta Proisasoundsystem.

Hilak 17, larunbata

10:00etatik aurrera, Nex graffitilariaren erakustaldia.
12:00etan, Jazz emanaldia Iñaki Zudaireren eskutik.
17:00etan, kafe tertulia: Bizitza Vs kapitala. Nola aurre egin komunitatetik desjabetze kapitalistari.
19:00etan, Imanol Carballoren kontzertua.

Hilak 18, igandea

13:30ean, Lamiak dantza taldearen emanaldia.

Oharra: hiru egunetan zehar taberna eta pintxoak egongo dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.