Kubako jaia, Donibanen, "gora herriak" berriz ere esateko

Kubako eta Euskal Herriko errealitateak partekatzeko aukera izan da Donibanen Bixi Bixi Kultur Elkartearen eskutik. Larunbatean bukatuko dira jardunaldiak.

Urko Etxebeste

Pasaia

2017/06/15

Jardunaldiak bitartean ikastaroak ere egin dituzte partaideek.

Donibaneko Bixi-Bixi Kultur Elkarteak Gora herriak, Kuba-Euskal Herria goiburuarekin jardunaldiak antolatu ditu azken egunetan. Horiek bukatzeko jaialdia antolatu dute larunbaterako (hilak 16), jarduera kultural askorekin. Zehatz adierazita, honakoak dira larunbateko ekitaldiak (denak Bixi Bixi elkartea dagoen plazan egingo dituzte):

19:00etan, Kubako salsa dantza ikastaroa.
20:00etan, Berta Pino kantautore kubatarraren saioa.
20:30ean, ekitaldia: Kuba-Euskal Herria.
21:30ean, afari kubatarra Bixi Bixin (txartelak ohiko tokietan eros daitezke).
23:00etan, musika afrokubatarra.
00:00etan, DJ Bull, Euskal Herriko eta Kubako musikarekin.

Jardunaldiak bitartean hainbat ekitaldi egin dituzte Donibanen, erakusketak, hitzaldiak, ikastaroak, ikus-entzunezkoen emanaldiak, ikastaroak… Horiek guztiak biribiltzeko izango da larunbateko jaia.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.