[Galeria] Giza eskubideen urraketari, gola

80 jokalarik hartu dute parte larri gaixo dagoen Aitzol Gogorza etxeratzea eskatu duen eskubaloi erakustaldian. Uztailaren 1eko mosaikora ere deitu dute.

Ikerne Zarate Gartziarena

Errenteria-Orereta

2017/06/17

Aitzol Gogorzaren aldeko eskubaloi erakustaldia.

Handballa eta aldarrikapena eskutik helduta iritsi dira Errenteria-Oreretara gaur. Sarek antolatuta, eskubaloi erakustaldia egin dute hainbat kirolarik Koldo Mitxelena plazan. Aitzol Gogorza, larri gaixo dagoen Oreretako euskal presoak bizi duen egoerarekin amaitu eta etxeratzea eskatu dute erakustaldiaren bidez. 10:30etan hasita, hamabi taldek hartu dute parte erakustaldian, zazpi neskenak, eta bost mutilenak. All blacks, Red devils, Men in black, 123ereintza, Handmilton, Yagu?ermaister, Egurra, Eres la caña, Girls Squad, Tortus, Rehuso eta Mendak taldeek, eta eskubaloiarekin, egoera larrian den Oreretako presoa etxeratzea eskatu dute. 80 jokalarik hartu dute parte erakustaldian, eta hura amaituta, uzatailaren 1ean Gogorzaren alde osatuko duten mosaiko erraldoian parte hartzera deitu dituzte herritarrak. Sare Herritarrak Donostian 0 KM goiburuarekin deitu duen ekitaldian parte hartzera gonbidatu ditu herritar guztiak, bestalde.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.