Aurretik Pasaiako alkate Izaskun Gomezek harrera egin dio, udaletxean.
Erakunde guztietako ordezkariak elkartu dira Kanadako enbaxadore berriari harrera egiteko.
Kanadak enbaxadore berria du, eta bere aurrekoek egin antzera, Pasaia bisitatu eta
Albaolan izan da,
San Juan baleontzia berreraikitzeko proiektua bertatik bertara ikusten.
Aurretik Pasaiako alkate Izaskun Gomezek harrera egin dio udaletxean, eta ondoren gurutzatu dute badia, Albaola bisitatzeko. Itsas Kultur Faktorian Albaolako buru Xabier Agotek egin die harrera. Ondartxon, enbaxadoreak erakundeetako ordezkaritza zabala zuen zain: Gipuzkoako Foru Aldundiko diputatu Denis Itxaso, Eusko Jaurlaritzako Kanpo Harremanetarako idazkari nagusi Marian Elorza, Kanpo Harremaneko zuzendari nagusi Iker Goiria, eta Mugikortasun eta Lurralde Antolaketako diputatua Marisol Garmendia. Udal ordezkaritza ere han izan da: Mirian Cano kultura zinegotzia (EAJ), EH Bilduko Migel Mari Torrea eta Mikel Garcia Peñil, eta Pasaiak Ahal Du-ren Nerea Gonzalez Bastardo.
Xabier Agote izan da agerraldian hitza hartzen lehena. Proiektuaren nondik norakoak laburbilduta, eskerrak eman dizkio Kanadako enbaxadore Matthew Levini, eta egitasmoa babesteko eskatu dio, bere aurrekoek egin antzera.
Ondoren hartu du hitza Pasaiako alkate Izaskun Gomezek, eta enbaxadoreari azaldu dio Albaolarena egitasmoa udalerriarentzat ezinbestekoa dela, gaur gaurkoz Pasaiak duen “proiektu egiaztagarri bakarra” delako.
Bide beretik, Foru Aldundiko diputatu Denis Itxasok adierazi du erakundeek apustu irmoa egina dutela Albaolaren proiektuaren alde, besteak beste, kultura oinarrian, Pasaiak hain beharrezkoa duen aberastasuna sortzeko duen gaitasunarengatik, eta enbaxadoreari, indarrak batzeko gonbidapena luzatu dio, “etorkizunean Pasaiako enbaxadore izango den
San Juan baleontziaren alde”.
Eusko Jaurlaritzako Kanpo Ekintzako idazkari nagusia Mirian Elorzak hartu du hitza ondoren eta berak zuzentzen duen departamentuarentzat Kanadarekin harremana are gehiago estutzea lehentasuna dela adierazi du. Elortzak nabarmendu duenez, Jaurlaritzak aspalditik du harreman estua Kanadako enbaxadarekin, eta etorkizunean bide beretik jarraitzeko asmoa agertu du, “munduari zabalik, gure arbasoen egin antzera, gaur egunean ere”.
Liburua opari
Matthew Levinek hitz egin du azkenik, eta harrerarengatik eskerrak eman ondoren, “hunkigarritzat” jo du Albaolaren asmoa. Albaolaren “lanarekiko pasioa” txalotu eta “erakundeek proiektuarekin agertu duten konpromisoa” goraipatu ditu, “iraganeko pasarte batez baliatuta etorkizuneko erronkei erantzuna emateko erakutsi duten gaitasunarengatik”.
Ekitaldia bukatzeko Xabier Agotek Albaolak eta Elkarrek elkarlanean argitaratu beri duten
Euskal Herria Itsastarra liburuaren ale bat oparitu dio Kanadako enbaxadoreari. Ondoren bazkaltzera joan dira, Petritegi sagardotegira.
Matthew Levinek hitz egin du azkenik, eta harrerarengatik eskerrak eman ondoren, “hunkigarritzat” jo du Albaolaren asmoa. Albaolaren “lanarekiko pasioa” txalotu eta “erakundeek proiektuarekin agertu duten konpromisoa” goraipatu ditu, “iraganeko pasarte batez baliatuta etorkizuneko erronkei erantzuna emateko erakutsi duten gaitasunarengatik”.
Ekitaldia bukatzeko Xabier Agotek Albaolak eta Elkarrek elkarlanean argitaratu beri duten Euskal Herria Itsastarra liburuaren ale bat oparitu dio Kanadako enbaxadoreari. Ondoren bazkaltzera joan dira, Petritegi sagardotegira.
