[Galeria] Triatloiarekin eta dantzan bukatu dira sanjoanak

Sanjoanak bukatu dira Donibanen. Atzo, azken egunean, herri triatloia eta Itsas Mendiren 50. urteurreneko ekitaldiak izan ziren protagonista.

Urko Etxebeste Petrirena

Pasaia

2017/06/26

Dantzariak, atzo, plazan.

Atzo bukatu ziren Donibaneko San Joan jaiak. Bi ekitaldik bete zuten eguneko egitaraua: Xanju Kirol Klubak antolatutako herri triatloiak, eta Itsas Mendiren 50. urteurrenaren harira antolatutako jaialdiak. Zatika. Atzo goizean, helduentzat eta haurrentzat duatloia egin zituzten. Giro oso ona izan zen proban, eta irabazleetatik harago, Xanju Kirol Klubeko kideek nabarmendu dutena izan da eguna zoragarri joan zela. Klubaren Facebook atarian probaren gaineko informazio gehiago eta argazki sorta aurki daiteke. Kirol probaren ondoren, Itsas Mendiren 50. urteurrenaren harirako dantza saioa egin zuten plazan. Bertan izan ziren garai batean elkartearen dantza taldean ibilitakoak, nahiz egun Donibane Dantza Taldean ari diren gaztetxoak. Polita izan zen ekitaldia. Horren ondoren, herri bazkaria egin zuten. Beheko galerian dantzaldiaren argazkiak daude, Miguel Lujanbiok ateratakoak. Hori guztiaren aurretik, larunbat arratsaldean, Sagardo Eguna egin zuten plazan. Bertako irudiak ere daude ondoko galerian. HITZAk Donibaneko sanjoanen gaineko albiste gehiago egin ditu. Hemen loturak:

Jaien hasierako irudiak.
San Joan eguneko haurren danborradako irudiak (Itsas Mendiren 50. urteurrenaren erakusketako, eta Aiton-Amunen Aterpeko kideen eskulanen erakusketako argazkiak ere daude.
San Juan-Koxtaperen aurkezpeneko irudiak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.