Saneamendurik gabe ur zikinak badiara zuzenean
Eguzki talde ekologista eta antinuklearreak Pasai Donibanen ur zikinak oraindik badiara doazela salatzen du, Eusko Jaurlaritzak akordioa sinatu badu ere jarrerarik azaldu ez duelako.
Eguzkik ur zikinen proiektua aurrera ateratzea eskatzen du. Sei urte pasa dira Donibaneko saneamendua aurrera eramango zela erakundeek sinatu zutenetik. Eguzki talde ekologista eta antinuklearrari “lotsagarria” iruditzen zaio oraindik ere “azteketa fasean” egotea. Gaur Donibaneko ur zikinak zuzenean badiara doazela salatu dute.
Eusko jaurlaritzak hartutako finantziazio-konpromisoa ez betetzearren haserre eta kezkatuta azaldu da Eguzki. Gipuzkoako Uren Hitzarmen markoa hitzartu zuten 2007-2011 bitartean. Eusko Jaurlaritzak obren %75a ordainduko zuela adostu zuten eta beste %25a Añarbeko Ur Agentziaren bitartez. Guztira 4 milioi euro inguruko inbertsioa litzake. “Obrak 2008an hasiko zituztela esan zuten, ondoren 2009an, ondoren 2010ean…”, dio talde ekologistak.
Instituzioekiko konfiantza eza azaldu du taldeak, gaia ez dutelako “seriotasunez” hartu eta herritarrak deitu nahi dituzte hau salatzera: “Badiako biziberritzearen planekin bonbardatzen gaituzte eta sei urte daramatzate ur zikinak bideratzeko planari jaramonik egin gabe”.
