26.enez iritsi da Donibaneko Futbito Txapelketa

Donibaneko Futbito Txapelketa larunbatean jokatuko dute. Izen emate epea ostiralean itxiko dute. Aurten ere plazan dira partidak.

Urko Etxebeste

Pasaia

2017/06/27

Aurten ere plazan jokatuko dute txapelketa.

26.enez Donibaneko Futbito Txapelketa jokoan izango da larunbatean, uztailaren 1ean. Aurten ere Donibaneko plazan izango da kirola eta presoen aldeko aldarria biltzen dituen lehiaketa. Hilaren 30era arte (ostirala arte) dago bertan izena emateko aukera. Taldeek bi bide dituzte izena emateko. Batetik, 943 51 13 23 telefono zenbakira dei dezakete (Remos tabernakoa da), eta bestetik, posta elektroniko helbide bat prest dute partaideek euren izen ematea egin, edo zalantzak argitzeko. Hainbat zehaztapen:

Izen ematearen prezioa, taldeko, 50 eurokoa da.
Taldeek, gehienez, 10 lagunekoak behar dute izan.
Izen ematea ostiralean bukatuko da. Gainera, egun horretan eta Donibaneko plazan egingo da neurketen zozketa, 20:00etan.
Sariak: talde irabazleak garaikurra eta afaria irabaziko ditu; bigarrenak garaikurra; hirugarrenak afaria eta garaikurra; eta laugarrenak garaikurra.
Zozketan esango dute antolatzaileek txapelketaren ordutegi zehatza.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.