LGTBI+ kolektiboen eskubideen aldarrikapena bere egin du Pasaiako Udalak
LGTBI+ kolektiboen borrokaldiarekin bat egin du Pasaiako Udalak. Gaur, San Pedron, ortzadarraren koloreekin zebrabidea margotuko dute.
Homofobiaren kontrako zebrabidea, Errenterian.
Udalaren arabera, arrazoiak soberan daude oraindik ere lesbiana, homosexual, transexual eta bisexualen herritar eskubideak aldarrikatzen jarraitzeko, “gure herri eta kaleetan, ikastetxeetan, familian zein lagunartean, lantokietan, publizitatean eta aisialdian”. Udalarentzat, eta hala jakinarazi dute erakunde adierazpenean, LGTBI+ kolektiboen aldeko borroka “guztiona eta egunerokoa” da, eta horrekin bat egiteko deitu dituzte herritarrak. Aurten, LGTBI+ elkarteek arreta berezia jarri dute gazteengan, zehazki, horiek sare sozialen eta Internet bidez jasaten duten ziber-jazarpenean eta kaleko nahiz ikastetxeetako jazarpenean. Botere publikoek horri erantzuna eman behar diotela uste dute Pasaiako alderdi politikoek, “haien ongizatea ziurtatzea eta jazarpenaren kontrako neurriak hartzea haiei baitagokie”. Segidan, PDF euskarrian, Ekainaren 28aren harira, LGTBI+ Pertsonen Eskubideen Nazioarteko Egunaren harira, Pasaiako alderdi politikoek adostu duten erakunde adierazpena:Gaur, 20:00etan, San Pedroko Boteroko zebrabidea ortzadarraren kolorez margotuko dute
