[Galeria] Adin txikikoen tratu onaren alde, jaietan ere

Gauean, gaur, El 5 Contenedor, Egurra eta Kitto eta Autobus Magikoa.

olatz mitxelena

2017/06/30

Bihar da Kukaña, 19:30etik aurrera, kaian, baina aurrez probatu nahi izan duenik izan da.

Sanpedroak azken txanpan sartuko dira gaur, indartsu, asteburuaren atarian. Gaur egunean zehar adin txikikoak izango dira festaren ardatza. Haurren eta nerabeen tratu ona bermatzearen aldeko planaren barruan, txikienekin pentsatutako jai egitarau atondu dute gaurko. Herri lasterketa egin dute lehenik goizean, eta ondoren, sanpedroetako klasiko bat, Bustinak eta Eskamen arteko partida, edo gauza bera dena, Torrekuak Salbiokoen kontra, eta alderantziz. Eguraldiak ez du gehiegi lagundu. Euriaren ondorioz, oso irristakorra zegoen pilotalekua, baina konpentsatzeko, pil-pilean egon da giroa harmailetan, eta gogotsu zelaian jokalari txikiak. Eguerdian haurrentzako herri bazkaria dago, printzipioz Antxetan (euria egingo balu, aterperen batera lekualdatuko dute), eta 16:00etatik aurrera puzgarriak izango dituzte aukera frontoian. Arratserako berriz, ur festa iragarrita dago. Gauean, rock kontzertua Helduentzako eskaintza Begihaundi tabernaren kanpoaldean hasiko da gaur arratsaldean, bote eta igel txapelketekin (19:00etatik aurrera). Txapelketak bukatuta Muskulo taldearen kontzertua izango da toki berean, Lau izeneko diskoa aurkezteko. 23:00etatik aurrera, azkenik, rock kontzertua izango da kaiko oholtzan, Egurra Ta kitto, El 5º Contenedor, eta Autobus Magikoa taldeekin. Hura bukatuta, gau elektronikoan murgiltzeko aukera izango dute festa ordu txikiak arte luzatzeko asmoa dutenek. Egitaraua

Haurren eta nerabeen tratu onaren alde, San Pedron

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.