Pasaiako alkate Izaskun Gomez, eta turismo diputatu Maite Cruzado, Albaolarekin batera dira han, Galiziako ontzi tradizionalen XIII. topaketan.
Xabier Agote, Albaolak eta Elkarrek berriki argitaratu duten liburuaren aurkezpena egiten.
Albaola Galizian da, Combarro-Poion (Galizia) egunotan ospatzen ari diren Galiziako Itsasontzi Tradizionalean XIII. Topaketan, eta Pasaiako Udalak eta Gipuzkoako Foru Aldundiak, ekitaldia aukeratu dute euskal erakundeek 2018ko maiatzean egingo den Pasaiako Itsas Festibala aurkeztu eta sustatzeko.
Europako antzeko beste kultur eragilerekin harremanak egiteko baliatu nahi izan dute aukera, eta horregatik, han egin dute aurkezpena. Izaskun Gomez alkateak, hango agintari, komunikabide, kultura eragile eta bisitariei Pasaiako jaialdira hurbiltzeko gonbidapena luzatu die, eta turismo diputatu Maite Cruzadok, bere aldetik, turismoa erakartzeko orduan kulturak eta tradizioak duten garrantzia nabarmen du. Pasaiako 2018 Itsas Festibalak Gipuzkoako eskaintza kultural eta turistikoaren nazioarteko kokapena hobetzen lagunduko duela adierazi du Cruzadok.
Xabier Agotek, azkenik, festibalaren antolakuntza “Albaolarentzat erronka aparta” izango dela adierazi du.
‘Euskal Herri itsastarra’ liburuaren aurkezpena
Alabolak partaidetza handia du Galiziako topaketan. Elkarte pasaitarrak
San Juan baleontziaren erreplikaren eraikuntza prozesuaren gaineko erakusketa eraman du Galiziara. Horrez gain, hainbat ontzi tradizionaletan nabigazioak egiten ari dira elkarteko boluntarioak, eta nabarmentzekoa da, baita ere,
Ozentziyo, Donostiako arrantza portuko azken arrantza ontzia, hara eraman dutela. Mor Bihan-era egindakoaren ondotik, hauxe du
Ozentziyo-k egin duen bigarren bidaia.
Horrez gain, gaur, Xabier Agotek Albaolako Combarroko Ondarearen Pabilioian
Euskal Herria Itsastarra San Juan baleontzitik liburua aurkeztu du, gaztelerazko bertsioan. Albaolak Elkar argitaletxearekin batera berriki argitaratutako liburuak, Euskal Herriko itsas historian zehar ibilbide bat egiten du, itsasoak euskal gizartearen bilakaeran izan duen garrantzia nabarmenduz. Era berean, Euskal Herriak itsas kulturaren esparruan munduari egin dizkion ekarpen nagusienen berri ematen du.
Liburuak egiten duen ibilbide historikoa XVI. mendean bukatzen da,
San Juan baleontziaren historiarekin hain zuzen. Jakina denez,
San Juan galeoia, balearen arrantzan eta merkataritzan aritzen zen, 1565. urtean Labrador-eko (Kanada) kostaldean hondoratu zen arte.
