Eguraldiak hainbat aldaketa eragin ditu gaurko sanpedroetako egitarauan

Arrantza txapelketa bertan behera utzi dute, eta herri bazkaria lekualdatu

olatz mitxelena

2017/07/01

San Pedron Bizi Eguna ospatuko dute gaur

Ez dago giro. Itsasoan trapaila eta lehorrean euri zaparrada mardulak noiznahi. Iragarpenak gaurko hobekuntzarik ez zuela iragartzen ikusita, atzo, San Pedroko jai batzordeak premiazko bilera egin zuen, gaurko iragarritakoen artean aldaketa batzuk erabakitzeko. Gaur goizean egitekoa zen arrantza txapelketa bertan behera uztea erabakita zuten ordurako. 3’5 eta 4 metro arteko olatuak iragarrita daude gaurko, eta arriskuak saiheste aldera lehiaketa ez egitea erabaki dute. Horrez gain, gaurko herri bazkaria, Arraunlari kalean egon ordez, portuko etxeen aterpean eta gimnasioan egitea erabaki dute. Festak, bestela, azken ordukorik ezean, normaltasunez jarraituko du aurrera, eta egitarauan iragarritako beste guztiak egin asmo dituzte.

Gaur, arrantzalez jantziko da San Pedro.

Gaur (arrantzalez jantzita)

10:00 porrusalda txaranga (txuri-gorriz jantzita)
11:30 ‘San Pedron bizi’ egunaren hasiera
14:30 presoen aldeko bazkaria antxetan
14:30 paella-jana portuko etxeetan. Bitartean eta ondoren sanpedrotarron norgehiagoka
19:30 kukaña
21:30 elektrotxaranga herriko kaleetan
23:00 kontzertuak kaian:
- Patxadaz
- Korkones
- Eskarmentu
2:00 Polas eta Makau DJ-ak

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.