Aberastasun partekatua eta parekatuaren alde

Ikasturte honetan azkeneko aldiz atera dira kalera pentsio duinak aldarrikatzera. "Aberatsak gero eta aberatsagoak dira eta behartsuak gero eta behartsuago. Errealitate injustu honen aurrean kexatzen jarraituko dugu".

Ainhoa Mariezkurrena

Errenteria-Orereta

2017/07/03

Pentsio duinen aldeko ikasturteko azken manifestazioa

Ikasturte honetan azkeneko aldiz atera dira kalera pentsio duinak aldarrikatzera. “Aberatsak gero eta aberatsagoak dira eta behartsuak gero eta behartsuago. Errealitate injustu honen aurrean kexatzen jarraituko dugu”. Hilero bezala, kalera atera dira Duintasuna Pentsiodunen elkarteak deitutako manifestazioan. Diru sarrerak, etxebizitzak eta gizarte zerbitzuak guztiontzat berdinak izan behar direla aldarrikatu dute. Hala, bi eskaera egin dizkiote udalari: Batetik, pertsona helduentzat leihatila bakarra egotea, paperak lortzeko erregistroz erregistro eta instituzioz instituzio ibil ez daitezen. Eta bestetik, pertsona helduentzat behatoki bakarr eta iraunkorra egon dadin, asko eta asko bakarrik bizi direla argudiatuz. Era berean, urtean zehar egindako ekitaldiak gogorarazi dituzte: elkarretaratzeak, manifestazioak, ekitaldi informazioak, prestakuntzak, hitzaldiak… Eta urriaren 2an berriro itzuliko direla azaldu dute: “Aberastasuna erraz zenbatzen da eta pobrezia ezkutatu. Isildu eta ezkutatzen dena ez da existitzen eta existitzen ez dena ezin da aldatu. Prekarietatea ez da naturalki sortzen, gorbataz jantzitako lotsagabe eta lapurren jardunen ondorio dira”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.