Antxon San Fermin usaina dago

Barrutia itxuraldaketa bete-betean da

olatz mitxelena

2017/07/04

Asteburuan sanferminetako atarikoak ospatu dituzte Antxon; pala txapelketako finalak eta bazkaria, krosa, aparraren festa…

Luzuriagako aparkalekuan feriak muntatzen hasiak dira, eta udala aparkaleku berriak atondu ditu jada. Biteri plazako karpa, eta gure zumardiko eta azokako oholtzak prest dira, eta egitaraua itxita. TOPAgunea gaur hasiko da txosnaren muntaketarekin, eta gazte asanbladak, berriz, 18:00etatik aurrera banatuko du gazte egunerako elastikoak, guztia, zumardian. Adi irakurri TOPAgunean elkartu diren eragileak elkarlanean landutako egitaraua. Igandean (hilak 9) izango da aurten Gazte Eguna. Marea granateak girotuko du festa egun horretan goiz goizetik. Bazkarirako txartelak 12 euro balio du, eta berez, atzora arte egon dira salgai ticketak. (Oraindik eskuratu ez duenak hobe du azkar ibiltzea). Salgai, baita ere, larunbateko euskal jairako txartelak, kasu honetan 10 euroan helduentzat eta 5 euroan haurrentzat. Kamio, Mimos eta Axularren eros daitezke larunbateko herri bazkarirako txartelak. Euskal Jaiaren antolakuntzak larunbatean baserritarrez janzteko deia egin du. Sanferminetarako pilota partidetarako sarrerak ere eros daitezke jada, Leunda tabernan. Igandean da Lore Txortak antolatutako I. San Fermin txapelketako finala, 18:00etatik aurrera. Lehenik, baina, Garcia/Ezkiroz eta Etxeberria/Aranguren bikoteen arteko “errebantxa handia” ikusteko aukera izango da. Aurreratutako denak aurtengo festen egitarauaren zertzelada batzuk baino ez dira. Ostegunean hasiko dira festak eta astelehenera bitartean luzatuko dira. Jaiak gerturatu ahala, informazio osatuko du HITZAk.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.