Gazteen etxebizitza komunitarioak badu forma
Errenterian martxan jarriko da Gazteentzako Etxebizitza Komunitario bat. Prozesu parte hartzaile baten ostean, atzo, hilak 5, ateratako ondorioak eta hemendik aurrerako pautak aurkeztu zituzten Merkatuzarren.
Errenterian martxan jarriko da Gazteentzako Etxebizitza Komunitario bat. Prozesu parte hartzaile baten ostean, atzo, hilak 5, ateratako ondorioak eta hemendik aurrerako pautak aurkeztu zituzten Merkatuzarren.
Gurasoen etxea utzi eta emantzipatzeko zein proiektu propioak sortzeko arazoei aurre egiteko abiatu dute proiektu hau udaletik. Komunitatean oinarritutako bizi eredu bat sustatu nahi izan dute, epe luzera ere jende askoren egoera hobetzen laguntzeko asmoz. Holanda, Danimarka eta Kataluniako esperientziak oinarri hartu dituzte.
Parte hartze prozesuan etxebizitza komunitarioaren definizioa, garapena eta abiatzea landu dira eta zenbait akordiotara iristea lortu dute. Haren izaera, sarrera baldintzak, eskubide eta betebeharrak, antolaketa modua eta programa arkitektonikoa adostuta aurkezpena egin zuten atzo.
Ondorioak, oinarriak
Etxebizitza gaztea, komunitarioa eta hazitegia izango da. Sartzeko18-30 urte bitarte izan beharko da eta konpromiso soziala, motibazioa eta komunitatean bizitzeko prestutasuna azaldu beharko dira. Elkarbizitza, errespetua eta berdintasunean oinarritu dira eta egonaldiaren iraupena, gehienez 3 urtekoa izango da. Diru sarreren %15a eman beharko da, oinarrizko gastuak ordaintzeko. Horrez gain, lan sozio-komunitarioak egin beharko dira. Elkar bizitzeko arauak jarriko dira eta antolaketa guneak sortuko dira. Barrura zein kanpora begirako jarduerak antolatuko dira.
Oinarriak, baloreak eta ezaugarriak badauzka, beraz. Pista batzuk eman ditugun arren, xehetasun gehiago, hurrengo astean landuko dugun erreportajean. 
