Naturatik gertuago egoteko Arditurri Eguna martxan

VI.Arditurri Eguna ospatuko dute uztailaren 16an, Aiako Harria Natura parkea eta meategiak hobeto ezagutzeko. Jada eman dute egitarauaren berri.

Ainhoa Mariezkurrena

Oiartzun

2017/07/06

San Joakin meategia

VI.Arditurri Eguna ospatuko dute uztailaren 16an, Aiako Harria Natura parkea eta meategiak hobeto ezagutzeko. Jada eman dute egitarauaren berri. Egun guztirako ekitaldiak antolatu dituzte uztailaren 16rako. Batzuetarako izen ematea eskatzen dute eta hartarako arditurri@gipuzkoamendizmendi.net helbidera idatzi edo 943 494 248 edo 688 895 068 telefonoetara deitu beharko da. 09:30 – Espeleologia irteera San Joakin meategian murgiltzeko aukera izango du 12 urtetik gorako edonork, 25 euroko prezioan. Aurrez erreserba egitea beharrezkoa izango da. 10:45 – 14:30 – Txu-txu trena Goiz guztian zehar martxan izango da trena aparkalekutik Arditurrira joateko, 10 minutuko maiztasunarekin. Zerbitzua doakoa izango da eta han bertan ikusiko da geltokia non dagoen ipinita. 11:00 – 14:00 – Meategietara bisita Bi bisita mota egin ahal izango dira. Oinarrizkoa, batetik, bi euroren truke. Sakonagoa, bestetik, hiru euroren truke. Sarrerak egunean bertan eskuratuko dira. 11:00 – Jolas dinamizatuak Abaraxka ludotekak gidatuko ditu nahi duenak parte hartzeko jolasak. 12:00-12:45 – Hegaztien askatzea Igeldoko Arrano Etxean sendatutako hainbat hegazti askatuko dituzte, beren ingurune naturalera itzultzea dute xede. Bi multzotan askatuko dituzte, jende guztiak ikusteko aukera izateko eta baita jende asko ez pilatzeko ere. 12:00etatik aurrera – Arditurriko euskal hanburgesa taloarekin prestatzeko aukera Bakoitzak bere taloa eta hanburgesa egiteko aukera izango du Lumagorri oilasko-haragi hanburgesa eta Idiazabal gaztarekin.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.