Jaietan usakume eta galeper tiroketak debekatzea galdegin diote berriz ere udalari

Animalien kontrako tratu txarrak debekatzea eskatu dute berriz ere Eguzkik eta Ekologistak Martxan taldeek.

2017/07/11

Usakume eta galeper tiroketa debekatzea eskatu dute berriz ere.

Animalien kontrako tratu txarrak debekatzea eskatu dute berriz ere Eguzkik eta Ekologistak Martxan taldeek. Zehazki Usakume eta galeper tiroketak jai egitarautik kanpo uztea eta debekatzea eskatu diote udalari. Eskaera ez da berria, iazko apirilean lau elkartek urrats bat gehiago egin, eta usakume, galeper eta bestelako animalien tiroketak debekatzea eskatu ziotela udalari ekarri dute gogora, baina oraindik ere ez direla halakoak jai egitarautik desagertu salatu dute. “Eskaera egin genuenean, halako erabakiak araudi batean oinarritu gabe ezin dituztela hartu erantzun ziguten udaletik, eta horren harira, animalien erabileraren gaineko ordenantza orokor bat egiteko lanean hasia zela udala”. Kexu dira Eguzki eta Ekologistak Martxan taldeak, urtebete pasa bada ere, ordenantzarekin ari direla lanean erantzun dietelako udaletik, “hori bukatua egon arte, ezin dela ezer egin diote. Zergatik ekitaldi batzuk zorionez desagertu dira, eta beste batzuk, zoritxarrez, itxaron behar dute?”. “Ulertezina eta onartezina” da egoera bi taldeen esanetan. Errenteriako Udalak, herriko festetan animaliek jasaten duten tratu txarra ekiditeko hainbat neurri hartzen hasi zen duela lau urte. Horren harira, idi demak jai egitarautik kanpo daude eta ez dira egiten.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.