Suso Leiro nabigatzailea Pasaian ari da bere hurrengo abentura prestatzen

Gaur, Albolari bere asmoen berri eman dio, Xabier Agoterekin Donibaneko Itsaso nautikan egindako bilkuran

olatz mitxelena

2017/07/12

Suso Leirok eta Xabier Agotek bidaiaren gainekoak izan dituzte hizpide

Pasaian da Suso Leiro nabigatzaile ezaguna. Donibanen atrakatu du Finesse belaontzia, eta bertan dihardu bere hurrengo itsas abentura antolatzen. Gaur, Albaolari eman dio bere asmoen berri, Xabier Agoterekin egindako bileran, Itsaso Nautikan. Leirok Agoteri azaldu dioenez, San Juan baleontziak egin asmo duen bide bera egin nahiko luke berak Finesse belaontzian, Ternuara bidean. Leirok El navegante solitario, el hielo y el mar liburuaren egilea da. Alba Nelida Paz Framilekin batera idatzitako argitalpenean, bere abenturen berri ematen du nabigatzaile galiziarrak. Leirok bere aurkezpenean dioenez “bizirik direnen artean milia gehien eginak dituen marinela da”. Munduari bira emana dio, eta beren bidaietarako propio prestatua du belaontzia, berak sortutako masta berezi batekin eta iceberg-etatik babesteko propio sortutako piezekin. Pasaiako badia orain ezagutu du Suso Leirok, eta baita Albaolaren proiektua ere. Tokia zein egitasmoarekin “txundituta” geratu dela dio Leirok, eta bere abenturaren bidez, Albaolaren egitasmoa haizatu nahi duela adierazi du.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.