Isaac Xubin idazle galiziarrak Hugoenean hartu du ostatu
Asteartean herritarrei zabaldutako kafe tertulia batean parte hartuko du, eta bere lanaren gainekoak hartuko ditu hizpide.
Donibaneko Idazlearen Etxean, Hugoenean, Isaac Xubin idazle galiziarrak hartu du ostatu, eta bi astez egongo da lanean bertan.
Isacc Xubin Joseba Sarrionandiaren poema ugari itzuli ditu galegora. Gaur egun Ingalaterran bizi da. Itzulpengintzan aditua da, eta hizkuntza asko menderatzen ditu.
Donibaneko Liburutegiaren Lagunek, ohi bezala, kafe tertulia bat antolatu dute, Hugoenean den idazleak bere lanaren berri eman dezan. Aurreratu dutenez, solasaldian, bere idazle jardunaz gain, gastronomiaz eta euskararekin duen harremanaz mintzatuko da galiziarra.
Kafe tertulia hilaren 18an da, asteartea, 16:00etan, Donibaneko liburutegian. 
