Gogorzaren askatasunaren aldeko aldarriak kalea hartuko du jaietan ere

Bihar (asteazkena) eta etzi (osteguna) postua jarriko du Sarek Madalena kalean eta bertan hainbat euskarri izango ditu salgai 18:30etik 20:00etara.

Ikerne Zarate Gartziarena

Errenteria-Orereta

2017/07/18

Aitzol Gogorza larri gaixorik dagoen Oreretako presoaren askatasunaren aldeko aldarria presente izango da jaietan.

Hiru egun baino ez dira falta madalenak hasteko, eta Errenteria-Oreretako Sarek gaixo larri dagoen Aitzol Gogorza euskal presoaren askatasunaren aldeko dinamikarekin aurrera jarraitzera deitu ditu herritarrak. “Jaia eta aldarria uztartuta Aitzolen askatasunaren aldeko mezuak kalean presente egon behar du”. Horretarako, bihar (asteazkena) eta etzi (osteguna) postua jarriko du Sarek Madalena kalean eta bertan hainbat euskarri izango ditu salgai 18:30etik 20:00etara. Txupinazoa bera giza eskubideen aldeko ekimena bihurtu nahi duela esan du Sarek, eta horren harira, txupinazoa baino ordu erdi lehenago herriko hainbat puntutan Aitzol Etxera dioten kartelak banatuko dituzte.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.