[Bideoak eta galeria] Haurrek badakite jaiak girotzen

Jaiak egun handian izanda, haurrek ere demostratu dute badakitela zer den festa giroan murgiltzea. Haurren danborradarekin azaldu dute hori.

Urko Etxebeste

Errenteria-Orereta

2017/07/22

Beldurrik gabe jaso dute jaien lekukoa Errenteriako haurrek.

Gaur, Madalen Egunean, haurren danborrada egin dute arratsaldez. Ehunka danbor jotzailek hasi dute bidea 18:00etan, Alabergatik, herriaren erdialdea zeharkatu eta den-dena alaitzeko. Ederki asko girotu dituzte madalenak txikienek, serio arraio, lerroak mantenduz, eta danborrak behar zenean astintzen. Ilun zegoen atera direnean, euririk ez, baina batek baino gehiagok maiz begiratu du zerura, ‘ez da la euria hasiko?’ galdetuz. Ez da horrela izan. Bidea lehorrean egin du txikien burrunbak. Hona hemen haurren zalaparta ordenatu horren bideoak, eta irudiak. Gainera, nahi baduzue, gaurko beste bi argazki galeria ikus ditzakezue.

+ Maria Madalenaren basilikara prozesioa.

+ Madalen Eguneko goizeko giroa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.