[Galeria] Munduko zaporeak, herri kirolak, banda, Xanti eta Maialen... eta bermuta
Xanti eta Maialen erraldoien atzetik, askok kostata, segizioa egin dute aurretik buruhandiek egurtu dituzten haurren gurasoek. Denetik egon da goizean.
Madalen Eguna aurrera doa. Oparo. Goizeko prozesioaren ondoren, eta eguraldia lagun, aurrera doaz errenteriarren egun seinalatuko ekitaldiak.
Beheko argazkiekin laburbildu daiteke goizak eman duena: Foru plazan munduko jakien dastaketa; ondo-ondoan, EMKEren bandaren kontzertua; Zumardian, Inaxio Perurena eta Ernesto Ezpeleta Bihurri izar bezala herri kirolak, eta nola ez, eguerdian, buruhandien eta Xanti eta Maialen erraldoien irteera, haur, guraso eta aiton-amonen segizio izugarri handiarekin.
Foru plazan, jatorri anitzeko errenteriarrek jakiak prestatu dituzte.
Nabarmentzekoa Foru plazako munduko jakien dastaketa. Jatorri anitzeko emakumeek euren herrialdeetako jakiak eta prestatu dituzte, eta horiek herritarren artean banatu, ondoren horiek Foru plazako haurren jolastokian ezarritako chill out moduko gunean, elkarrekin, dastatzeko.
Buruko minak
Galdera: “Bermuta nahi?”.
Erantzuna: “Ba hobe ez… Coca cola bat. Ez! Hobeto Aquarius bat”.
HITZAk jaso duen elkarrizketa da aurrekoa, herriko taberna ezagun baten terrazakoa. Izan ere, gaua luze joan da askorentzat, eta eguzkitako betaurrekoak ondo-ondo itsatsita atera dira horietako batzuk kalera —haurrak dituztenak batez ere—, familia betebeharrekin kunplitzera, eta urdail nahasi eta buruko minari aurre eginez. Gaueko giroa ezagutu dutenetako batzuk jaitsi bai, jaitsi dira, baina erdizka asko. Gaueko eta eguneko hidratazioaren likidoen osagaiak aldatu egin dituzte, hori bai.
Euskalgunean bermutari keinu egin diote, edari horren laguntzarekin egin eta jan dituztelako gildak, propio txapelketa berezian egindakoak. Eneritz Furyak musikari irundarrak girotu du gunea.
Bermutaren ondoren —ahal izan duenak— bazkarien txanda iritsi da. Lepo dira Errenteriako, eta inguruko herrietako jatetxeak. Baita elkarteak ere. Madalen Eguna da eta.
Gaurko eta hurrengo egunetako egitaraua, hemen ikusteko aukera.
Ondokoak, goizeko giroko hainbat irudi.
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Nabarmentzekoa Foru plazako munduko jakien dastaketa. Jatorri anitzeko emakumeek euren herrialdeetako jakiak eta prestatu dituzte, eta horiek herritarren artean banatu, ondoren horiek Foru plazako haurren jolastokian ezarritako chill out moduko gunean, elkarrekin, dastatzeko.
Buruko minak
