[Galeria] Donibanen dantzan hasi dira Santiago Jaiak ospatzen

Konstantzia Musika Banda eta Itsas Mendi omendu dituzte festen hasieran

olatz mitxelena

2017/07/24

Itsas Mendiko kide batek piztu du txupina.

Hasi dira Donibanen Santiago Jaiak. Konstantzia Musika Banda eta Itsas Mendi elkarte igo dira aurten udaletxe zaharraren balkoira, eta bi elkarteak izan dira festetako hasieran protagonistak. 200. urteurrena ospatzen ari da aurten musika banda sanjuandarra, eta 25. urteurrena Itsas Mendi, eta horregatik eskaini die jai batzordeak jaien hasiera iragartzeko ardura. Ondoren hasi dira dantzak. Lehenik agurra eta ondoren flashmoba, festetako lehen gaua girotzen hasteko ekitaldiak izan dira biak. Arratsaldean ere ibili dira bazterrak girotzen, poteo musikatuan, eta guaena ere ekitaldirik ez da faltako. Egitaraua: Gaur

20:00: Txupinazoa eta ikurrinaren igoera, Konstantzia Bandaren eta Itsas Mendi elkartearen eskutik, biek ere aurten haien urtemugak ospatzen ari baitira.
Agur herrikoia.
Ondoren Flashmoba plazan.
20:30: Kantaldia txosnetan: Ane, Irati eta Joxe Leon.
21:00: Gazteen afaria plazan.
Ondoren Elektrotxufla.
01:00: DJa Gaztelu txosnan.

Bihar

Diana txistulariekin herrian zehar.
08:00: Sokamuturra Donibane kalean eta Santiago plazan.
10:00: Usakume-tiroa Gaztelutxoko zelaian.
10:30: Gaztelutxoko XXXI. bizikleta igoera. Aurten irteera Meipiko biribilgunean izango da. Oharra: kaskoa janztea derrigorrezkoa da. Izena emateko epea 10:15 artekoa izango da.
12:00: Herriko toka-txapelketa plazan.
12:30: Kantujira herrian zehar Meipitik hasita, euskal jantziak jantzita.
17:30: Mus-txapelketa herrikoia Bonantzan.
Umeentzako antzerkia Kupelaclownen eskutik, Udaletxe Zaharreko aretoan.
18:30: Gazteen dantza sueltoko XXVIII. Txapelketa.
20:00: Herri kirolen erakustaldia Santiago plazan:
- Aizkolariak: Julen Cañamares eta Odei Espeleta
- Harri-jasotzailea: Ibon Ugartemendia
- Aurkezlea: Biurri

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.