[Galeria] Donibaneko plazan hasi da itxuraldaketa

Gaur gauean Habanera kantatu eta dantzatzera irtengo dira sanjuandarrak.

olatz mitxelena

2017/07/26

Kuadrillen arteko marmitako lehiaketan errezetak askotarikoak, baina guztiak goxoak izaten dira.

Santa Ana ospatzen dute gaur sanjuandarrek, eta goizean goizetik igarri da, plazan hasia delako gaueko Habaneren ikuskizunerako itxuraldaketa. Faroltxoak jarri, agertokia prestatu… goiz hasi dituzte prestaketa lanak gauerako plaza eder egon dadin. Eta hori guztia, marmitakoaren usainak lagun. Kuadrillek lapiko arteko lehian ari dira gaur eguerdian, plazan bertan. Patatak zuritu, piperra, tipula, txorizeroak, hegaluzea… norbere errezeta du, baina mimoz ari dira guztiak, talde lanean, zeinek goxoena prestatuko. Bien bitartean, sanjuandar askok hamaiketakoa Santa Ana baselizaren kanpoaldean egin dute gaur, meza ospatu ondoren, eta Itsas Mendiren txistulariak girotuta. Aspaldiko ohitura da gaurko egunez Donibanen. Gaurko ekitaldirik arrakastatsuena, Habaneren ikuskizuna, gauean izango da, eta ordura artekoak, lasai antzera joango dira gaur, Santiago Eguneko ajeak gainditu eta bihar San Pantaleon behar bezala ospatzeko indarrak berreskuratzeko. Gaur

18:00: I. Pintxo Lehiaketa Bonantzan, herriko gazteek antolatua. Herritarrek pintxoak dastatu eta bozkatu ondoren, sari-banaketa.
20:00: Andoni Ollokiegiren kontzertua Bonantzan.
22:30: Ohitura zaharrak berreskuratuz: Habaneren XIII. emanaldia. Santiago plaza musika eta kolorez jantziko da.
Ondoren, berbena Tsunami taldearekin.
00:00: DJa Gaztelu txosnan.

Bihar

10:00: Diana txistulariekin herrian zehar.
12:30: Igel, bote eta toka txapelketa Santiago plazan.
13:30: Balkoietako XII. lore-apainketa lehiaketa. Sari-banaketa.
14:00: Aitona-amonen bazkaria.
Ondoren, musika (Pasai txaranga) eta dantza.
15:30: Herriko koadrilek sardinak eta ikatza jasoko dituzte Arizabalon.
16:15 – 20:00: Musika Pasai txarangarekin herrian zehar.
19:00: Sardina-jana Pasaiako Portuko Agintaritzak (PPA) diruz lagunduta.
20:00 – 22:30: DJa plazan
22:30: Arrantzaleen danborrada, Konstantzia Bandaren laguntzarekin.
00:00: Bull DJa Bonantzako txosnetan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.