Atzera begirada Jantziaren Zentroaren eskutik

Atlantikaldiarekin bat eginez antolatu du Oarsoaldeko pertsona ospetsuen erakusketa Iraultzak. Bihar zabalduko ditu ateak.

Ikerne Zarate

Errenteria-Orereta

2017/09/01

Argazkian azaltzen diren jantziak XVIII. mendekoen erreplika dira.

Iraultza Dantza Taldeak Oarsoaldeko pertsona ospetsuen erakusketa zabalduko du bihar. Martin de Uranzu itsas kapitaina eta Maria de Lezo errenteriarren jantzien erreplikak ikusi daitezke bihartik urriaren 1a bitartean, eta haiekin batera, Pasai Donibaneko batelerak. Guztira bederatzi jantzien erreplikak egin ditu Iraultzak zentroaren beheko solairuan zabalduko duen erakusketarako. Martin de Uranzu gainera, Jantziaren zentroa kokatua dagoen Kapitain Etxearen jabea izan zen. Atlantikaldiarekin bat eginez antolatu du dantza taldeak erakusketa. De Uranzu eta de Lezo XVI mendekoak dira. Uranzu kapitainaren jantzia egiteko udaletxean dagoen koadro bat hartu duela azaldu du dantza taldeak, “erakusketan, margolanaren kopia bat jarri da

Martin de Uranzuren jantziaren erreplika eta bere koadroa ondoan.

jantziaren ondoan”. Maria de Lezo Ingalaterrako Catalina erreginaren zerbitzaria izan zen, eta garaiko irudirik ez badute ere, jantziaren interpretazioa egin du Iraultzak hura sortzeko: “Badakigu erreginaren zerbitzariak bera bezala janzten zirela, eta Tudor garaiko jantziaren kopia egin dugu”. Bateleren jantzien erreplikak ere egin ditu Iraultzak, eta lanean jarri ditu erakusketan, Albaolak duela hamar urte egindako XIX. mendeko ontziaren kopia zentrora ekarri baitu. Batelaren barruan, batelerekin batera, garaiko bi emakume eta gizona, Luis Paret margolariak 1786 urtean egindako Vista del Puerto de Pasajes margolanean oinarritu dira jantziak egiteko.

Luis Paret margolariaren koadroan oinarritu da Iraultza bateleren jantziak egiteko.

Horiekin batera XIX. mendeko batelera eta marinel baten jantzien erreplika ikus daiteke. Jantziaren Zentroan larunbatetan 11:00etatik 13:00etara eta 17:00etatik 20:00etara, eta igandetan, 12:00etatik 14:00etara bisita daiteke erakusketa, doan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.