[Galeria] Jantziaren Zentroak zabaldu du erakusketa berria

Zabalik da jada Jantziaren Zentroak Atlantikaldiarekin bat eginda antolatu duen Oarsoaldeko pertsonai ospetsuen gaineko erakusketa.

Ikerne Zarate Gartziarena

Errenteria-Orereta

2017/09/02

Jantziaren Zentroko beheko solairuan antolatu duten erakusketa doan bisita daiteke.

Zabalik da jada Jantziaren Zentroak Atlantikaldiarekin bat eginda antolatu duen Oarsoaldeko pertsonai ospetsuen gaineko erakusketa. Horietatik bi, Errenteria-Oreretakoak dira, Martin de Uranzu itsas kapitaina, eta Mari de Lezo Ingalaterrako Catalina erregina izandakoaren zerbitzari lanetan aritu zena. Bi horiek XVI. mendekoak. Tarte berezia dute Pasai Donibaneko batelerek. XVIII. mendeko bi batelera eta garai bereko bi emakume eta gizon baten jantzien erreplika egin du Iraultzak erakusketarako. XIX. mendeko batelera bat eta marinel bat ere azaltzen dira erakusketan, garaiko jantzien kopiekin. Aukera polita dute bertara hurbiltzen direnez, Iraultzak mimoz eta abileziaz sortutako jantzien kopiekin gozatu eta bide batez, historia ikasteko. Urriaren 1a arte izango da zabalik erakusketa, beheko solairuan kokatuta dago eta hori ikusteko sarrera doakoa da. Zentroaren gainontzeko erakusketa ohiko sarrera ordainduta egin daiteke. Ordutegia, larunbatetan 11:00etatik 14:00etara eta 17:00etatik 20:00etara, eta igandetan 12:00etatik 14:00etara.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.