Haur eta nerabeek badute zertan pasa denbora ikasturte honetan
Ikasturte honetarako ere hainbat ikastaro antolatu dituzte 6tik 30era bitarteko gazteentzat.
6tik 30era bitarteko pertsonek hainbat ekintza burutu ahal izango dituzte ikasturte honetan Pasaian. Urriaren 10ean hasiko dira jarduerak, baina izen ematea irailaren 15ean hasi eta urriaren 5ean bukatuko da.
Pasaiako Udalaren Gazteria Departamentuak gazteentzako ikastaroak antolatu ditu aurten ere. Adin desberdinentzako eskaintza desberdinak daude. 6-11 urtekoentzat Patchwork, marrazketa, buztina eta pintura eta eskulanak. 11-16 urtekoentzat manga komikiak eta ilustrazioa, hip-hopa eta marrazketa, buztina eta pintura. Eta 16 urtetik gorakoentzat marrazketa eta pintura eta argazkilaritza ikastaroa.
Guzti hauek 9 hilabetekoak izango dira. Ikastaro bakoitzari buruzko informazio gehiago Pasaiako webgunean edo banatu dituzten eskuorrietan aurki daiteke. 16 urte bitartekoek 53,5 euro ordaindu beharko dituztela aurreratu dute eta helduagoek 62,5 euro.
