Produktu ugari, denak ekologikoak

Azokaren bidez baserritarrak kontsumitzailearengana hurbildu nahi ditu Biolur elkarteak. 10:00etatik 14:00ak arte izango da zabalik azoka, ikusi, ikasi eta erosteko aukera ematen.

Ikerne Zarate

Errenteria-Orereta

2017/09/05

larunbatean eguerdira arte egingo dute azoka ekologikoa zumardian.

Nekazaritza Ekologikoaren III. Azoka antolatu dute larunbaterako Errenteria-Oreretan. Udala, Behemendi elkartea, Biolur elkartea, eta Gipuzkoako Foru Aldundiak elkarlanean antolatu dute Zumardiak hartuko duen azoka. Produktu ugari, askotarikoak topatuko dituzte bertaratzen direnek, denak ekologikoak. Ekologikoki ekoiztutakoak izango dira produktu guztiak, eta era artisau batean elaboratutakoak, gainera. Haurrentzat arropa, baratxuriak, gazta, intxaurrak, ogia, eztia, pasta, ardoa, barazkiak, eta olioa izango dira salgai azokan. Informazio postuak ere jarriko dituzte. Hartara, guztira 21 gune edo postu jasoko ditu azokak. Tailerrak ere egingo dituzte. Zehazki, produktu ekologikoekin egin daitezkeen irabiatu eta zopa hotzena. Prestatutakoak dastatzeko aukera emango dute gero. Azokaren bidez baserritarrak kontsumitzailearengana hurbildu nahi ditu Biolur elkarteak. 10:00etatik 14:00ak arte izango da zabalik azoka, ikusi, ikasi eta erosteko aukera ematen. Postuak

Mireia Segura (Zumaia): Umeentzako arropa ekologikoa.
Placido Tainta (Falces): Baratxuriak.
Aitor Bastarrika (Zarautz): Arropa.
Pikunieta (Antzuola): Gazta.
Jose Lizarralde (Zumarraga): Intxaurrak.
Maira Errandonea okindegia (Etxalar): Ogia.
Aikur (Urretxu): Eztia.
On Ein Kontserbak (Hernani): Barazki kontserbak.
Goiti okindegia (Ezkio-Itsaso): Ogia.
Telleri zahar (Hernani): Gazta.
Pasta Martinelli (Nafarroa): Pasta.
Mendiko Upategia (AIbar): Ardoa.
Askasibar (Aretxebaleta): Barazkiak.
Aldaba (Tolosa): Ogia, gazta.
Ekoalboraz (Elgoibar, Mutriku): Barazkiak.
Joseba Baez (Idiazabal): Gazta.
Luz (Peralta): Olioa.
Aritz Lujanbio (Lezo): Barazkiak.
Kontsumo Taldeetako ekoizleak (Beizama): Kontsumo taldea.
Biolur (Gipuzkoa): Informazioa.
Labore Oarso elkartea: Informazioa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.