Iraileko azken bi asteetan eman ahal izango da izena Pasaiako Ludoteketan. Urrian zabalduko dituzte ateak.

Haurrak, mozorroturik eta jolasean, San Pedroko ludotekan.
Irailaren 15etik 30era eman ahal izango da izena Pasaiako Udal Ludoteketan. 4-12 urte bitarteko haurrek, beraz, “sozializazioa garatzeko” aukera hau bermatu nahi badute hila honetan egin dezakete.
Haurrak elkartzeko eta jolasteko leku hauek urte osoan zehar egongo dira irekita, urritik ekainera bitarteko astegun guztietan. Bertan mahai-jolasak, lantegiak, txotxongiloak, txangoak eta jolas eta liburu-maileguak aurkituko dituzte, besteak beste.
Pasaiako haurrek, nahi duten barrutian eman dezakete izena, lauetan egiten baita eskaintza. Horretarako, ludoteken egoitzetara joan edo telefonoz deitu beharko dute. Trintxerpera joan nahi duenak 943 39 25 10 telefonora. Antxora joango denak 943 24 85 12 telefonora eta Donibanera joateko 943 51 72 90 telefonora.
Izen emate orria betetzeaz gain, ordainagiria eraman beharko da ludotekara. Informazio gehiago
Pasaiako webgunean aurkitu daiteke.