Itsaso txarrak baldintzatuta, tentsioa eta urduritasuna izan da Donostian goizetik. Bandera Donibanera eraman dute Batelerek, Hibaikak zuen 2,66 segundoko abantaila gaindituta.
Batelerek irabazi dute Kontxako Bandera
Itsaso txarrak baldintzatuta, tentsioa eta urduritasuna izan da Donostian goizetik. Kontxako Bandera Donibanera eraman dute Batelerek, Hibaikak zuen 2,66 segundoko abantaila gaindituta. Hala ere beste hamaika bandera ikusi ahal izan dira lehorrean. Laugarrenez irabazi dute Kontxa sanjuandarrek, denak segidan. Pena Hibaikarena. Aurten ere ezin.
Gaur, Kontxako estropaden bigarren igandean, urteko banderarik garrantzitsuenetakoa zegoen jokoan. Itsaso txarra zela eta, estropada bertan behera uzteko eztabaidan aritu dira uretara joan baino minutu batzuk lehenago. Kanpoaldeko 2 eta 3 balizak haizeak mugitu ditu eta emakumeak erlojupekoan lehiatu behar izan dira, guztiak 4. kaletik. Honek, zailtasunak ekarri dizkie arraunlariei, ziabogara binaka iritsi baitira bi kasutan. Azkenean, sanjuandarren lortu dute garaipena. Hibaikaren aldea erraz gainditu du itsaso oso mugituan.
Giro tentsoa lehorrean ere ikusi da, estropada zaila izan baita arraunlarientzat, baita zaleentzat ere. Herri guztietako zaleak herri guztietako arraunlariak animatzen aritu dira tarteka, egiten ari zirena txalotzen, zaila izan baitute guztiek baldintza horietan arraun egitea. Hala ere, oihuak, irriak eta zarata ez dira falta izan. Kolore arros, beltza eta gorriekin egin diete ongi etorri Donostiako portuko arrapalan emakumeei. Orroak, batelerek bandera astindu duenean.
Gizonak
Gizonezkoetan sanjuandarrak pozik, jarritako helburua bete baitute, txanda irabaztea.
Hondarribiak, ordea, bandera irabazteko itxaropenarekin joan arren, ezin izan du Urdaibai gainditu. Izan ere, gaurko beste sopresetako bat Orioren garaipena izan da. Kale txarrean, hasieratik atzetik joan dira berdeak. Ezinean elementuen kontra.
Gaur ongi etorria egingo diete arraunlariei, bakoitzari bere herrian. Errenterian 18:30etan gelditu dira Alabergako biribilgunean Hibaikari harrera egiteko. Donibanen, ordea, kalejira egingo dute Meipitik plazara 19:00etatik aurrera.
Gaurko goizak utzi duena, irudietan: