[Galeria] Baserritarren eguna dute gaur Lezon

Andoni Egaña, Sebastian Lizaso, Maialen Lujanbio eta Amets Arzallusen saioa 19:30ean izango da, Gurutze Santuaren plazan, eta ordubete beranduago giza proba probalekuan.

Ikerne Zarate Gartziarena

Lezo

2017/09/15

Josetxo Etxandi oroitaldiko pilota txapelketaren finala.

Festak ez du etenik Lezon. Gaur baserritarren eguna ospatzen ari dira, eta goiz goizetik ganadu feria egiten ari dira Goiko plazako frontoian. Lezoko zortzi baserritako 30 ganadu buru dira bertan eta 13:30ean sari banaketa egingo dute. Ixkulin eta Tiñelu elkarteetan bilduko dira eguerdian baserritarrak bazkaltzera. Andoni Egaña, Sebastian Lizaso, Maialen Lujanbio eta Amets Arzallusen saioa 19:30ean izango da, Gurutze Santuaren plazan, eta ordubete beranduago giza proba probalekuan. haurrek ere izango dute non gozatu. 17:30ean haur jolasak izango dituzte Jauregialden, eta 19:00etan buruhandi eta erraldoien kalejira. Afari herrikoia eta Saldise plazako kontzertuek osatuko dute gaurko eskaintza. Josetxo Etxandi oroitaldia Atzo, bestalde, Josetxo Etxandi XLII. oroitaldiko pilota txapelketaren federatuen finala jokatu zuten Lezon. Lau t’erdian Gazte MailanJosu Agirreamaioa markinarrak 22-12 irabazi zuen Lakuako David Uribe. Etorkizuneko Izarren Mailan Iker Salaberria Goizuetarra eta Ion Mariezkurrena berriozartarrak irabazi zuten 22-11 Ataungo Zubizarreta eta Besaingo Garmendiaren kontra. Lehenengo Mailako afizionatuetan berriz, Eneko Ioldi Uhartearra eta Jon Olaizola Lesakarra gailendu ziren Peru labaka zizulkildarra eta Oier Etxeberria igorrearraren aurka, eta markagailua 22-9 utzi zuten. SANTAKRUTZAK 2017 [egitarua]

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.