[Galeria] Jaig taldea, korrikalari gazteak, eta marmitakoa

Jaig taldeak oholtza baten gainean debuta egin du bart. Gaur goizena, berriz, Saldise inguruan haurren krosa eta marmitako lehiaketa.

Urko Etxebeste

Lezo

2017/09/16

Goizean, korrikalari gaztetxoak, beroketa ariketak egiten.

Rockak badu etorkizuna. Atletismoak ere bai. Lezon behintzat bai. Orain azalpenak. Lezoko musika latzak etorkizuneko izarra du. Jaig taldea. Atzo gauez Saldise plazako oholtzara atera ziren gaztetxoak, euren kantak irmo jotzera. Gaztetxoak, bai. 11 urte dituzte lezoarrek. Eta ehunka zaleren aurrean, hasieran apal, baina ondorenean harroago, anplifikatzaileei zuku ederra atera zieten. Behin ere ez zuten entzun haien musika hainbeste dezibeliorekin, eta hasierako urduritasunak kenduta, den-dena eman zuten gaztetxoek. Ondo Jaig! Jesus Bermejo, Aitzol Perez, Iker Domibgo eta Gorka Izulain dira Jaig. A ze taldea! Gaur goizean, haurren krosak egin dituzte Saldise plazaren inguruan. Euria bai-ez horretan, azkenean, jaietako egitarauaren zati izerditsu hau egiterik izan dute. Eta nola gainera. Hamarnaka gaztek (beharbada Jaig ikustera joan zirenak), Saldise inguruan lasterka parte hartu dute apurka santakrutzetan indartzen ari den ekitaldian. Mailaka aritu dira, lehenik txikienak, ondoren koskorragoak. Denak, izerditsu eta pozik. Gehiago eskatzerik? Ez. Eta haurrak lasterka zeuden bitartean, Saldiseko aterpean, herritarrak marmitakoa egiten. Izan ere, jaietako klasiko den marmitako txapelketaren partaideek gogoz astindu dituzte laban, egurrezko goilara handi, eta lapikoak. Txapelketa izanda, irabazleak behar. Horiek aurrerago emango ditu HITZAk. Hemen, jaietako egitaraua: SANTAKRUTZAK 2017 egitaraua Ondorengo irudietan esandako guztia, baina irudietan. Esanguratsuak dira oso:

Santakrutzak 2017. Jaig taldea, haur krosa, eta marmitako txapelketa

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.