Lehenengoz, kirolaren eta mugikortasunaren astea Lezon

Lezon bihartik 28ra egingo dituzte Mugikortasunaren eta Kirolaren Astearen barruko ekitaldiak. Den-denak doan dira, eta herritarrei zabalik.

Urko Etxebeste Petrirena

Lezo

2017/09/19

Hiru egunetan nordic walking egiteko aukera egongo da.

Lezon lehengoz, udalak Mugikortasun eta Kirolaren Europako Astearen bat egin du. Hori egiteko, hainbat jarduera antolatu ditu datozen egunetarakoa (behean dago zerrenda). Udalaren esanetan, astearen helburua da mugikortasun aukerak aurkeztea, ohitura osasuntsuago eta bizitza aktiboagora begira. Hilaren 20tik 28ra egingo dituzte jarduera horiek. Den-denak doan dira. Bihar, esaterako, 18:30ean eta Bekoerrota kiroldegitik, nordic walking irteera egingo dute. Beharrezkoa den materiala kiroldegian bertan hartu ahal izango da. Nordic walking irteera gehiago egingo dituzte, hilaren 26 eta 27an hain zuzen, baina 09:30ean Bekoerrotatik hasita. Hilaren 21ean, ostegunean, ikasturteko lehen Tipi-Topa irteera egingo dute adinekoek. Ibilbidearen arabera 10:45ean edo 11:00etan hasiko dira. Larunbaterako, hilaren 23rako, Xoxolur Mendi Taldearen eskutik mendi irteera gidatua egingo dute Lezoko hainbat ibilbide baliatuz. 10:00etan abiatuko dira Bekoerrotatik, eta ordu eta erdi inguruko ibilaldia izango da. Honakoak, bestelako jarduerak:

Hilaren 26ean, 19:00etan, total training saioa Saldise plazan, 16 urtetik gorakoentzat.
Hilaren 27an, 17:30ean, esgrima egiteko aukera Saldise plazan.
Hilaren 28an, 18:00etan, jumpfit saio irekia (16 urtetik gorakoentzat) Saldisen.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.