San Pedro Txikiak, ate joka

San Pedro Txikiak ostiralean hasi eta igandean bukatuko dira. Ostiraleko txupinazoa 20:00etan izango da, Herriko Plazan. Denetik dago.

Urko Etxebeste Petrirena

Pasaia

2017/09/20

Iazko San Pedro txikietako haurren txirrindularitza proba.

Aurten, hamargarrenez, San Pedro Txikiak egingo dituzte San Pedron. Ostiralean hasiko dira, eta herritarren batzordeak igandera arteko egitaraua osatu du. Denentzat daude ekitaldiak, haur, gazte eta helduentzat. Ostiralean da txupinazoa, 20:00etan. Jai handietako argazki lehiaketaren sari banaketa egingo dute bertean. Baina hori aurretik, eta nola ez, ondoren ere, badira ekitaldiak. Honakoa da horien zerrenda: Hilak 22, ostirala

17:30ean, haurrentzako merienda Portuko etxeetan.
18:00etan, buruhandiak barrutitik zehar.
18:30ean, 3t’erdi esku pilotako finala eta nesken frontenis txapelketako finala. Ondoren, kalejira frontoitik plazara.
20:00etan, txupinazoa Herriko Plazan eta argazki lehiaketaren sari banaketa.
21:30ean, bertso afaria Antxetan.

Hilak 23, larunbata

11:00etan, Haurren IV. Txirrinda Lasterketa frontoitik.
11:00etan. II. Futbolin Txapelketa frontoian.
11:00etan, Marmitako Txapelketa Antxetan.
14:00etan, marmitako bazkaria Antxetan.
16:00etan, mus txapelketa Errekan.
17:00etan, Haurren Arrantza Txapelketa Torrean. Arrainak ez dituzte hilko.
19:30ean, arrantza txapelketaren sari banaketa Torrean, eta sardina jatea DJ batek girotuta.
20:00etan, Pintxe Mexiko Gaua plazan.

Ondoren, Javi DJ. Hilak 24, igandea

11:00-12:00, patata tortilla txapelketa frontoian.
13:00etan, patata tortilla txapelketaren sari banaketa.
17:00etan, buruhandiak barrutitik.
17:30ean, herri kirolak, Bihurri eta konpainiaren eskutik, frontoian.
19:30 inguruan, Andoni Oilokiegiren kontzertua Arraunlari kalean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.