Euskadiko Soinu Zahar eta Gipuzkoar Aurresku Txapelketak hartuko ditu Antxok

Ibaiondo frontoian ospatuko dira bi txapelketak hilaren 30ean arratsaldeko 18:30ean.

Hegoi Belategi

2017/09/25

Euskal Herriko dantzari trebeak bilduko dira Pasai Antxon.

Euskadiko XI. Soinu Zahar Txapelketa eta Euskadiko XXXVII. Gipuzkoar Aurresku Txapelketa Pasai Antxon ospatuko dira hurrengo larunbatean. Pasaiako Udalak, Gipuzkoako Udal Dantzarien Biltzarrak eta Alkarkide Alkartasunako Dantzari Ohiak Taldeak antolatu dute jaialdia. 15 urtetik gorako hainbat lagunek hartuko dute parte larunbateko txapelketetan. Oarsoaldeak, ordezkaritza zabala izango du bi kategorietan. Soinu Zahar Txapelketan, Izar Etxeberria, Nerea Videira, Katerin Artola eta Izaro Telletxea Oiartzuarrak lehiatuko dira, baita Itxaso Lizeaga sanjuandarra ere. 2016an Etxeberria gailendu zen. Aurreskuan sei ordezkari arituko dira. Beñat Asensio, Iker Sanz eta Iker Belintxon lezoarrak eta Oreretako Luis Garcia, Asier Rios eta Beñat Saralegi. Iker Sanz iazko irabazleak, Aimar Odriozola duela bi urteko txapelduna izango du aurrez aurre. Atsedenaldirako tartean, 15 urte beherako txapeldunen dantzaldia izango da ikusgai. Lezoko Mikel Esnaola eta Ane Jaunarena gazteek dantzatuko dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.