Jantziaren zentroa, zeinu hizkuntzan
Bisita gidatua, 19:00etan hasiko da, eta interesdunek bihar dute azken eguna
Jantziaren Zentroa bisitatzeko beste modu bat izango da hilaren 28an, osteguna. Bertan bildutako jantzien gainekoak zeinu hizkuntzan jasoko dituzte bertaratzen direnek. Izan ere, bisitariak bereziak izango dira egun horretan, Gorreriaren Nazoarteko Egunean. Bisita gidatua, 19:00etan hasiko da, eta interesdunek bihar dute azken eguna Errenteriako Turismo bulegoko 943 49 45 21 telefono zenbakira deituta edota mezua bidalita izena emateko.
1958. urtetik ospatzen da Gorreriaren Nazioarteko Eguna. Gorren edota entzumen arazoak dituzten pertsonen eskubide eta eskariak zabaltzea du helburu, eta aldi berean, gorren kulturaren aberastasuna ezagutarazten dela nabarmendu dute Jantziaren Zentroko arduradunek. Herentziazko gaitxotasuna izan daiteke gorreria, edo egoera baten ondorio, “gaixotasuna, kolpea, soinu ozenegien eraginpean jardutea, edo entzumen nerbioarentzat botika gogorregiak hartu izanagatik”.
Munduan, 3 urtetik gorako 45 miloi pertsonek dute entzumen arazoren bat. Munduko Osasun Erakundeak gehiegizko soinuaren muga 65 dezibeletan ezarri du, eta Europan muga 87 dezibeletik gora dago. 
