[Galeria] Oihalgintzari eusteko

Material eta teknika ezberdinak erabilita oihalgintza artisaua eta oihalgintzarekin sortutako artea aldarrikatzen ari dira oihalgintzan ari diren hamahiru emakume.

Ikerne Zarate Gartziarena

Errenteria-Orereta

2017/10/07

Teknika eta material ezberdinez egindako lanak hartu ditu erakusketak.

Oihalgintza galtzeko arriskuan dago. Bai behintzat artisau moduan lantzen dena. Hori ekiditeko,haria ez galtzeko sortu dute Haria Galtzen, oihalgintzan ari diren hamahiru artisau, emakumek. Azken hori ere, emakumeen sorkuntza, emakume izate soilagatik zokoratuta dagoela salatu dute. Duela urtebete elkartu ziren, eta ordutik, material eta teknika ezberdinak erabilita oihalgintza artisaua eta oihalgintzarekin sortutako artea aldarrikatzen ari dira. Izan ere, artisau-artista gisa definitzen dute beren burua. Hamahiru emakume artisau -artista hamahiru horien arteko lauren lanak, bakan batzuk, Jantziaren Zentroan bisita daitezke gaurtik hilaren 29ra bitartean doan, larunbat, igande eta jai egunetan. Larunbatetan 11:00etatik 14:00etara eta 17:00etatik 20:00etara bisita daiteke zentroaren beheko solairuan; igande eta jaiegunetan berriz, 12:00etatik 14:00etara bisita daiteke. Artilea, lihoa, zeta edo zuntz metalikoekin eta irazki hari baxua eta altua, irutea, ehoziria, brodatua eta tindaketa teknikak erabilita Karmen Esnaola, Idoia Ibañez, Mia Rissanen eta Olga Uribek egindako lanak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.