Muxikoen Guinness errekorra oroitzeko, festa

Guinness errekorra, muxikoekin dantzan, egin zuten iazko urriaren 30ean Lezon. Hori oroitzeko, eta urriak bost igande dituelako, jaia egingo dute.

Urko Etxebeste

Lezo

2017/10/09

Muxikoen errokorrerako 895 dantzari bildu ziren Lezon.

Betizutik Elkarteak duela ia urtebete sekulakoa egin zuen. Ehunka pertsona jarri zituzten Lezon dantzan, muxikoekin gozatzen. Guinness errekorra egin zuten. Iazko urriaren 30an izan zen hori, Goiko plazan. Egun hori oroitarazteko, eta urriak bost igande dituelako, jaialdia antolatu dute hilaren 29rako (igandea). Honakoa da egitaraua:

11:00-12:00, muxikoen tailerra Goiko plazan.
12:00-13:00, Muxiko Festa Goiko plazan.
13:00-14:00, herri kirol erakustaldia Gurutze Santuaren plazan. Aizkoran: Iker Vicente, Arria V eta Fausto Mugerza. Harriak jasotzen: Aimar Irigoien.
Ondoren, poteoa Donibaneko akordeoi jotzaileekin.
15:00etan, herri bazkaria Saldise plazan. Prezioa: helduen txartelak 25 euro, haurrenak 10 (izena emateko aukera urriaren 25a arte). Honako kontu korropnte zenbakian egin behar da diru sarrera (bazkarian aurkeztu behar da ordainagiria): ES15 3035 0125 1312 5002 6345. Kantatzeko aukera egongo da.
17:30-19:30, Gabezin taldearen kontzertua.

Edozein zalantza izanez gero, Betizutik elkartekoekin harremanean jartzeko eskatu dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.