Antxoko gaztetxea zena egokitzeko obrak, lizitaziora atera ditu udalak

Axular plazan dagoen lokala egokitzeko obrek, 84.000 euroko prezioa izango dute

Hegoi Belategi

2017/10/11

Lokalean egingo diren obrak, 84.000 euroko prezioan lizitatuko dira

30 urtez zabalik egon ostean, Pasaiako Udalak Pasai Antxoko gaztetxea ixteko dekretua sinatu zuen duela urte eta erdi. Ordutik lokala itxita dago. Orain aisialdi eta kultur gune bilakatu nahi dute eta lokala egokitzeko obrak lizitaziora atera ditu udalak 84.000 euroko prezioan. Lanek hamabi hilabete iraungo dutela aurreikusi dute. Obrak hiru ardatz izango ditu; mugikortasun gutxiko pertsonei egokitzea, eragozpen akustikoak ekiditeko diseinua eta espazioaren eraberritzea. Lokala bi eremuetan banatu nahi dute. Gune orokorra irakurketarako, internet erabiltzeko eta jolasentzako lekua izango da. Bestea bilkurak eta jendea hartzeko gela bihurtuko dute. Bi espazioak banatzeko itxitura mugikorra jarriko dute, beharrezkoa denean beraz, bi aldeak batu ahalko dira jarduera ezberdinak garatzeko. Gaztetxea zena, gazteak biltzeko lekua izatea nahi du Izaskun Gomez alkateak, “aisialdiari eta kulturari eskainitako gunea izango da, gizarte-harremanetarako eta elkarbizitzarako gunea”. Lokalak, Antxoko gazteen kultur eskaerei erantzungo diela uste dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.