Oiartzunen, Errenteria-Oreretan eta Pasaian elkarretaratzeak egin zituzten. Carles Puigdemont presidenteak zer esan zuen adi entzun zuten.
![oiartzun.kat](http://oarsoaldea.hitza.eus/site/files/2017/10/oiartzun.kat_.jpg)
Oiartzungo elkarretaratzea, Done Eztebe plazan.
Carles Puigdemontek zer esan zain izan ziren atzo Oarsoaldean ere. Kataluniako parlamentuan
hango egoera politikoari buruzko gogoeta egin zuen Kataluniako presidenteak: independentzia deklaratu zuen, baina etetea proposatu zuen, negoziazioari beste aukera bat emateko. Atzo arratsalde-gauean Katalunian gertatutakoak jakin-mina eragin zuen Oarsoaldean ere. Elkarretaratzeak egin zituzten hainbat tokitan.
HITZAk bildu dituen datuen arabera, Antxon, Errenteria-Oreretan (atzeratu egin zen, Puigdemonten adierazpenaren zain) eta Oiartzunen egin zituzten mobilizazioak. Irudia Oiartzungoa da.