Zabor bilketa, ura eta estolderiaren gaineko zergak izoztea proposatu du PSE-EE-k

Gobernu Taldearen 2018rako ordenantza fiskalen proposamenaren gainean hainbat aldaketa proposatu ditu alderdi sozialistak.

Ikerne Zarate

Errenteria-Orereta

2017/10/24

Edukiontziak Agustinak auzoan.

Gobernu Taldearen 2018rako ordenantza fiskalen proposamenaren gainean hainbat aldaketa proposatu ditu alderdi sozialistak. Azken horrek, %2ko igoera salbuespenekin ezartzea eskatu du eta uraren eta estolderiaren zerga zein zabor bilketa eta hondakinen eliminazioaren gainekoa izoztea. Proposamenaren oinarria, egungo egoera ekonomiko soziala dela esan du PSE-EEk: “Oarsoaldeak langabezia tasa oso altua du, eta pobrezia errealak gora egin du. Diru Sarrerak Bermatzeko Oinarrizko Errentaren jasotzaileek ere gora egin dute. Gure proposamenak beraz, herritarren gaineko presio fiskala arindu nahi du udalaren inbertsio eta diru bilketarako ahalmena arriskuan jarri gabe, eta udalak ematen dituen zerbitzuen kalitatean eragin gabe”. Zabor bilketa eta hondakinen eliminazioaren zergaren gaineko %10eko igoerak ezarri zituela 2016ko ekainean eta urrian udalak esan dute, “horrek 2017an %21eko igoera suposatu zuen. Bizilagun eta ostalari asko kexatu dira horren harira”. Ogasunak 490 milioiko Udal Finantzaziorako Foru Funtsa aurreikusi duela nabarmendu du PSE-EEk, bestalde: “Joan den urtean baino %4 gehiago. Kupoa ziurtatzeko udalek badaezpada jasota zuten dirua ere erabilgarri izango dute udalek. Uste dugu beraz, bizilagunei presio fiskala aritzeko une egokia izan daitekeela”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.