Tasak izoztea proposatu du EAJ-k

Udal gobernuak tasa eta zergak %2a igotzea proposatu du datorren urtean. Horiek izoztea eskatu du EAJ-k, eta hainbat arrazoi eman ditu horretarako.

Ikerne Zarate

Errenteria-Orereta

2017/10/30

EAJko hiru zinegotziak

Udal gobernuak tasa eta zergak %2a igotzea proposatu du datorren urtean. Horiek izoztea eskatu du EAJ-k, eta hainbat arrazoi eman ditu horretarako. Oarsoaldea eta Errenteriako biztanleek krisi ekonomikoa “bereziki” pairatzen ari direla esan du alderdi jeltzaleak, eta hondakin bilketaren gaineko zergak izan duen igoera “garrantzitsua” nabarmendu du bestalde, ” joan den urtean %21eko igoera izan zuen azken horrek”. Ondasun Higiezinen Gaineko Zerga OHZren joian den urteko igoerari erreparatu dio azkenik tasak izoztea eskatzeko. Udalaren egoera ekonomikoa kontuan hartuta, tasak eta zergak izoztea posible dela dio EAJk, “ez luke gainera, aurrekontuetan gaindiezina izango litzatekeen afekziorik izango, Errenteriako Udalak baditu beste diru iturri batzuk eta esfortzu hau egiteak ez lioke aparteko arazorik sortuko”. Herritarrek eros ahalmena berreskuratu bitartean tasa eta zergak ez igotzen saiatu beharko lukeela udalak iritzi dio alderdi jeltzaleak. Hondakinen bilketaren gaineko proposamena Hondakinen bilketaren kasuan, beste proposamena egin du EAJ-k, biohondakia jasotzeko edukiontzia erabiltzen dutenei ematen zaien hobaria, auzokonposta programan parte hartzen dutenei ematen zaienarekin parekatzea, zehazki. %25etik %30era igotzea hobaria suposatuko luke neurriak, “helburu bikoitza luke neurriak, birziklapenari bultzada ematea eta herritarren presio fiskala arintzea”. Proposamen horiek Antolaketa Batzordean egin zituen EAJk eta han ez zituela onartu gobernu taldeka erantsi du: “bihar izango den osoko bilkuran onartzea nahi genuke, eta adostasun batera heltzeko ateak zabalik ditugu”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.