Argiaren fakturan deskontuak nola lor daitezkeen jakinarazi du Oarsoaldeak

Laguntzetarako hiru onuradun berri onartu dituztela iragarri du Garapen Agentziak.

olatz mitxelena

2017/10/31

Gizarte bonu elektriko berria indarrean jarri dute, eta Oarsoaldea Garapen Agentziak jakinarazi duenez, horri eskerrak, aurrerantzean jende gehiagok eskuratu ahal izango ditu argiaren fakturaren deskontuak, zehaztu dutenez, orain arte ez bezala, “bonua eskuratzeko irizpideetako bat familiaren diru sarrerak” izango direlako. Familia ugariez eta pentsiodun zehatz batzuez gain, hiru onuradun berri onartu dituzte. Gehieneko diru-sarrerak Gizarte bonuaren onurak eskuratzeko gehieneko diru-sarrerak ondokoak dira:

Adin txikikoak ez dituzten familiak: 11.279,39 euro.
Adingabeko batekin: 15.039,18 euro.
Adingabeko birekin: 18.798,98 euro.

Mugak, edonola ere, gorago daude, familia kideren batek % 33 edo gehiagoko ezgaitasuna badu, edo terrorismoaren zein genero bortizkeriaren biktima bada. Norberaren diru sarrerak kalkulatzeko, errenta aitorpenean, zerga oinarri orokorra eta aurrezkikoa batu behar dira. PFEZa egiteko beharrik ez duten pertsonen kasuan, berriz, diru-sarrerak batzea aski da. Baldintzak betez gero, inprimakia bete eta dagokion konpainiari igorri behar zaio, nahitaezko dokumentazioarekin batera, eta hemen zehazten diren bideak erabiliz. Gaiaren gaineko kontsultak argitzeko, erabiltzaileek Oarsoaldeako Kontsumo Bulegora jo dezakete, 943 510 111 telefono zenbakira deituz, posta elektronikora idatziz edo Errenterian dagoen bulegora hurbilduz -Olibet kaleko 6. Zenbakian-. Ordutegia hauxe da: astelehenetik ostiralera 08:30etik 14:30era.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.